نوحه زبانحال امام در شهادت حضرت ابوالفضل
وفالی سرداریم رشید علمداریم
گوز آچ بیر آن اویان ابوالفضل حسینی تک قویان ابوالفضل
پوزولدی پر کاریم سولوبدی گلزاریم
گوزینه قان دولان ابوالفضل حسینی تک قویان ابوالفضل
اویان مه ناسیم حیالی عباسیم
وصالی خواب ناره ساتما هلالی غم اماندی باتما
دور ایله بیر چاره بو زاره بی یاره
گوزون قانون سر شگه قاتما باخور قوشون قوم اوسته یاتما
اولوبدی باغریم قان دانوش ایلون قربان
سپهره ناله وی اوجاتما بو بیکس گوزوندن آتما
ئولوبدی انصاریم هامی مدد کاریم
ایشیم اولوب فغان ابوالفضل حسینی تک قویان ابوالفضل
آدامسیزام قارداش اوغول سوزام قارداش
حسینون ای امید گاهی ولایتون ایشیقلی ماهی
یانار حالیمه گاو و ماهی گولنده کوفنون سپاهی
باتوب قانه اکبر شبیه پیغمبر
سوسوز قالوب اصغر غزال خوش منظر
دور ای حرملنون پناهی ندی سوسوز لارون گناهی
یانور سوسوز لاریم حیالی قیز لاریم
آتامدان ای نشان ابوالفضل حسینی تک قویان ابوالفضل
دوشوب یره مشگون آخور ئوزه اشکون
عذاره ایلرم روانه گوزوم یاشینی یانه یانه
سینوب پر و بالون پوزوب منی حالون
تسلّی ویر بو ناتوانه دونوبدی گلشنیم خزانه
سنه باخوب یانّام ئورکدن اودلاننام
نظر ایله بو باغریقانه گتو ئورک سوزون بیانه
یگانه غم خواریم منیم هوا داریم
قدّیم اولوب کمان ابوالفضل حسینی تک قویان ابوالفضل
گوزل آدون دیلده دوروبدی جام الده
خیامیده مه مدینه گوزتلور یولون سکینه
ایدوب نوا آغلار باخوب یولا آغلار
گلر فغان و شور و شینه ترحّم ایله اول غمینه
دیر عمو یاندیم عطشدن اود لاندیم
ایدنده ناله اول کمینه سالار شراره عالمینه
دور ای سپه داریم وزیر سرداریم
یارالی مهربان ابوالفضل حسینی تک قویان ابوالفضل
اولا ئلیم قربان یانان دلیم قربان
نوحه – حضرت علی اصغر(ع)
مهربان بالام نازلی دلبریم ای قنادی باغلی کبوتریم
سو یرینه اوز قانینی ایچن ای دل آچمیان دلسیز اصغریم
آچ گوزون ربابون صود امر مارالی
یاتما بیر اویان دور یاره لی غزالی
اوچ پر اوخ بیچوب گل بوغازیوی لاله تک قیزیل قانه باتمیسان
سو ایچوب و یا راحت اولموسان دینجلوب بو نوعیله یاتمیسان
گوزلرون فداسی اولوم اوغول یا بو بیکسی گوزدن آتموسان
بیرده آچ گوزون باخ علی منه اود دوتوب یانور قلب مضطریم
سو یرینه اوز قانینی ایچن ای دل آچمیان دلسیز اصغریم
اولمادی صودیم اوچ گیجه گوندوز سن سیزیلّلادون منده آغلادیم
خیمه لرده من بیر ایچیم سنه سو تاپانمادیم سینه داغلادیم
چاره تاپمادیم اللرون قویوب عاقبت قماط ایچره باغلادیم
باغلیاندا من اللرون سنون کاش اوغول سینیدی بو اللریم
سو یرینه اوز قانینی ایچن ای دل آچمیان دلسیز اصغریم
چالدی عمریمون جام عشقینی ظلم الیله دست قضا داشا
آفتاب صبح امیدیمی قویمادی یتیشسون فلک باشا
اولدی دهریده عمرون آلتی آی سنّون حیف اولا یتمدی یاشا
صرصر جفا ئیله آچماموش پرپر اولدی سولدی صنوبریم
سو یرینه اوز قانینی ایچن ای دل آچمیان دلسیز اصغریم
گلشن صفایه علی قالوب نازیله وفا تیری ساچمادون
گورمدوم اقلا دانیش ماقون حیف ناز دانم دل آچمادون
صود امر اوشاقلار کیمی اوغول دوتمادون ایاق بیر جه قاچمادون
قالدی دیلده بو حسرتیم منیم تا ئولونجه ای نیک منظریم
سو یرینه اوز قانینی ایچن ای دل آچمیان دلسیز اصغریم
هر مارالین اوخلانسا سویگولوم صود امر بالاسی یانار ملر
ناله سی ایدر عالمه اثر تیر آهی قلبی اوغلی دلر
تا ئولونجه سن تک سیزیلیوب سیل تک ئوزه گوز یاشون الر
آلگیلان بالامون دیر اوزون انتقامون ای حی داوریم
سو یرینه اوز قانینی ایچن ای دل آچمیان دلسیز اصغریم
کینۀ زمانه ایدوب اوغول بختیمون ایوین گور نیجه خراب
سن سو ایستدون ویردی حرمله ناز گلوم سنه تیریله جواب
تشنه لب سوسوز قانه باتماقون ایلیوب آنان قلبینی کباب
هانسی سمته روحین قوشی اوچوب ای سمای عزتده اختریم
سو یرینه اوز قانینی ایچن ای دل آچمیان دلسیز اصغریم
اولدی اصغرون نشانه تیر جا نشانه قارداش
یاره سین ئوپوب بو یاندون سن ئوزونده قانه قارداش
اوخلاناندا شیر خوارون حتما ال ایاق چالوبدی
قانلو لبلرین اوپوبسن لبلرینده یر سالوبدی
آغ محاسینون او قاندان گور نه یاخشی رنگ آلوبدی
زینت آرترار بو قانلو صورتون جنانه قارداش
اوخلانوبدی شیر خوارون آهون ایدر سمایه
آغلاما گوزون فداسی گل گیدک حرمسرایه
خوردا قیزلاروندا سنلن شرکت ایلسون عزایه
آغلا سوندا خیمه گهده آغلا یانه یانه قارداش
دوشمسون جهاندا هیچ کیم بیله مشکلات سخته
خشک اولوبدی قان یوزینده لبلرونده لخته لخته
گل گیدک اوزون تسلّی ویر رباب قاره بخته
چکمه سین اورکده محنت آتشی زبانه قارداش
وار یری اگر بو عالم یانسا آه حسرتوندن
واقفم گلنمیور سن خیمیه خجالتوندن
حرمله سنی خجالت ایله دی اوز عترتوندن
قلبون اولدی تیر درد و محنته نشانه قارداش
زینبون حسین نقدری ئولمیوب جانیندا جان وار
هر غمونده شرکت ایلر غم او نیلا هر زمان وار
اولدورر اوزین رقیه گورسه لبلرونده قان وار
وا محمدا صداسی قالخار آسمانه قارداش
بیر ایچیم سو قانه دونسون قیمتی عجب چوخ اولدی
ایجدی وحشیان صحرا آل هاشمه یوخ اولدی
اولسون عمه سی بو طفلون قورخودان گوزین اوخ اولدی
مرغ روحی اوشدی گیتدی آیری آشیانه قارداش
ائتمرم مذمّت هرگز اصغرین غریب آناسین
ساخلارام اورک باشیندا من اوزومده غم اساسین
آغلیوب خیامه ساللام اصغریمون اوخ یاراسین
هاردا گوزلریم ساتاشسا تیریلن کمانه قارداش
نوحه حضرت علی اصغر
سارالان یوزی عطشدن قورویان دوداقی لای لای
من بینوایه آخر گیجه نین قوناقی لای لای
بو گیجه ویروبدی مهلت بیزه ابن سعد ظالم
بیلورم سپهر غمده سارالار گوزل هلالیم
ولی هیچ اینانمورام من چیخاسان صباحه سالم
گل عمریمون ستمله سناجاق بو داقی لای لای
اجل اوچیسی بو چولده سنیلن چیخوبدی جنگه
دولانور اودور که رنگون بیلــه زعفرانی رنگه
گلوب آلنوا سو یوخدی نفسون دوشوبدی تنگه
آنوون او قدری قالمور پوزولا تفاقی لای لای
چکولوبدی رنگ و ریشون سارالان ایاقلاروندان
گورورم چیخور آلو تک نفسون دوداقلاروندان
آچارام او دور قماطون اوپرم ایاقلاروندان
دیرم دوشن رمقدن گوزل ال ایاقی لای لای
بو رقیه مندن آرتوق اوره گین غمینده داغلار
منه گه ویروب تسلّی گهی بوینـومی قوجاقلار
گلوب اگلشر یانوندا اوپر الرونــدن آغـــلار
بیلوسن کی وار اونون چوخ سنه اشتیاقی لای لای
ایده بیلمدیم نوازش اوجالاندا سوز و سازون
چکه بیلمه دیم دویونجان علی من اگر چه نازون
سحر اوخلانوب گلر سن گزر ال به ال جنازون
ایدوسن نه بیر سو فکری نه ده صود سراقی لای لای
منی ایلیوب زمانه متحیّر اوز ایشیمـــده
غم اودی چکور شراره بو دل بلا کشیمده
دونه قانه سن سیز اوغلوم اگر اولسا صود دوشیمده
سوسوزام اوزومده والله دوداقون سیاقی لای لای
بیلورم علی همیشه آنالار یانیندا خوارم
سوزون هر مکاندا دوشسه من اولونجه شرمسارم
ولی قور خورام دیم من سوسوز ئولدی شیر خوارم
دیه لر باجار میورسان بالا ساخلاماقی لای لای
منیم اللریم بوش اولدی آنالیق علامتیندن
خجلم سنون یانوندا صودیلن سو بابتیندن
نه گوزلدی ئولسه اوغلوم آنا اوز خجالتیمدن
ولی ئولمیه عطشدن صود امر اوشاقی لای لای
نوحه حالات حضرت رقیه – سینه زنی
نو شکفته بیر گولم من سولموشام چمنده عمه
قمچی لر یوروب بو یورقون روحیمی بدنده عمه
دوریدن گوروم قالیدی عمه چرخ کج مداری
آل هاشمه همیشه تیره ایتدی روزگاری
چکمیشوک بیر ایلدی باهم رنج ودرد بی شماری
منده شامیده اسیرم شمر شومه سنده عمه
بو خرابیه گلندن اولموشوق غمیله یولداش
چوخ گیجه صباح اولونجا توکموشوک عذاره قان یاش
اولمیوب باش آلتی پاره کر پیچ اوسته قویمو شوق باش
سنده تا یاتموسان بو قاره تپراق اوستینده عمه
خاطر شریفون هرگز اولماسون شکسته مندن
بعضی سوز لری حرملر گیزله دولّر عمه سندن
آز قالور آنام ربابین روحی آیریلا بدندن
من بو کهنه بوریانی اوستومه چکنده عمه
یوخ سوزوم کی وار تحمّل هر غم وبلایــه بیزده
مین لریجه داغ حسرت واردی داغلی سینه میزده
تپراق اوسته یاتمیشیدوم من هاچان مدینه میزده
بیر عزیزه قیز دگولدوم من مگر وطنده عمه
غرق بحر ابتلایــم خاطریم گلوبـــدی درده
هر زمان بابام حسینی ایسته دوم دیدون سفرده
اولما بیر بلا باشیندا وار اونون خدا نکرده
گیمیشوک قارا عزای شاه ممتحنده عمه
بی سبب دگول بو قدری منقلب اولوبدی حالیم
تازیانه پیکریمده قویمیوبدی جای سالــم
بیلموسن منی گورنده نیلیور بو شمر ظالم
فاش اولار سنه بو مطلب غسلیمی وئرنده عمه
ایلورم وصیّت ئولیم لالۀ وفا اکرسن
یاندیروب چراغ آهون قبریمه قرا چکرسن
نعشینی بو قاره بختون قاره معجره بوکرسن
قاره معجرین صفاسی اولماز آغ کفنده عمه
وار منیم بیر عاجزانه خواهشیم ای عمه سندن
ممکن اولسا قیل سفارش دختر یزیده مندن
صحبت فرشته آخر نه مناسب اهرمندن
آز منه شمادت ایتسون هر گلوب گیدنده عمه