نوحه سینه زنی وداع امام (ع)
گل کناره خیمه دن وقت فراقیمدور باجی – ایلمه افغان باجی
عازمم میدانه من آخر وداعیمدور باجی – ایلمه افغان باجی2
بیکسم یوخ بیر کیمیم بیکس احمده یار اولا
نوجوانلار گیتدیلر کیمدور حسینه یار اولا
خوردا قیزلار ناله سی پشت پناهیمدور باجی
حیف یوخدور یاوریم قانه باتمیش اکبریم
قاسم غم پروریم عون و فضل و جعفریم
بیر طرفدن یوخ کمک اطرافیمی دشمن آلوب
بیر طرفدن بیر بولوک اهل حرم دوریم کسوب
بیر طرفدن خوردا قیزلار ناله سی جانیم دوتوب
حق سیزه یاور اوله غملرده یاوریم دورباجی
دردو غم جانیم آلوب محنتیم حدّن داشوب
چاره الده قالمیوب دورت طرف دشمن آلوب
جان سنون جان بو بلالی چولده بیکس عترتیم
اود دوتاندا خیمه لر قویما داغلسون قیزلریم
اود ایچینده قویما سن بیمار زاریم دور باجی
اوت دورالار خیمه لر هر نه وار بیر باش یاتر
هر نه اولسا زیب و زر غارته یکسر گیدر
باشیده قالماز چادرین غارت ایدر قوم و دغا
دشمن ایچره باش آچوق بیر باش حریم مصطفی
چولده قویما داغلسون عترت آل عبا
غمگسار اول اونلره هم غمگساریم دور باجی
ای باجی مندن صورا اولسا هر گونه بلا
صبر ایله اول سن رضا صبر مفتاح جزا
ای باجی مندن صورا قالماز جلال شوکتون
عزّتون باده گیدر قالماز نه جاه و رفعتون
دستگیر شمر اولورسان داخی اولماز حرمتون
غم یمه سال یادیوه کیچمیش زمانیم دور باجی
زبانحال حضرت رقیه(ع)
خدا حافظ ای عمه جانیم منیم چخور جان قوتولدی توانیم منیم
دورون قلبوزی پر ملال ایلیون منـی جان اکبـر حلال ایلیــون
چوخ اولدی سیزه شامه چاتان زحمتیم سالوب محنته قیزلاری محنتیم
یتیشدی منیم آیریلیق ساعتیم گلوب پیک دلاور حلال ایلیون
دورون ای بنی فاطمه قیزلاری سپهر حجازین غم اولدوز لاری
هر آیلار آدامسیز آدامسیز لاری آخور قاره گوزلر حلال ایلیون
سفردن منیم دلبریم گلمدی نگار وفا پروریم گلمدی
بابام گلمدی اکبریم گلمدی یوخوم یار و یاور حلال ایلیون
سکینه سریه رباب عاتکه دیون گوزلر اشک ماتم توکه
بابام گلمدی باشیمه ال چکه منی بار دیگر حلال ایلیون
منه بو گیجه گلدی میهمان بالام ایدوب چاره سیز درده درمان بالام
دوداقدا گتوردی منه قان بالام حالیم اولدی مضطر حلال ایلیون
من ئولسم تیر غمله اویون قازون قبریمی آغلاماقدان دویون
یارالی باش سینم اوسته قویون ایدون آدیم ازبر حلال ایلیون
او گوندن که اولدوم اسیر ظلام یانوب شمع تک آغلارام صبح و شام
سیزه استراحت اولوبدور حرام به حق پیمبر حلال ایلیون
قویون من ئولوم غم سیزی یورماسین گیدوم قلبیوی غصّه دولدورماسین
اقلا سیزی ساربان ویرماسین گویردی بو پیکر حلال ایلیون
اگر چارم اولسا سیزی یور مارام یومولسا گوزوم بال و پر وورمارام
اوتاندیر میون سسله مز دورمارام سالون قاره معجر حلال ایلیون
مین عالم دمین بو دمه ویر مرم گلوب دلبریم دل غمه ویرمرم
او قانلی باشی عالمه ویرمرم بابامدی همان سر حلال ایلیون
زبانحال حضرت زینب (ع) – به حضرت علی اصغر
لای لای گل نازیم بالا همدرد و هم رازیم بالا
آیریلدون عمندن نیه جان خوردا سربازیم بالا
لای لای بالا - لای لای بالا
گوردن طبقده قانلی یاش رخساره توکدون قانلی یاش
بولدون آقاج محکم دیوب ئوپدون او لبلردن یواش
لای لای بالا - لای لای بالا
ای یولدا محملدن دوشن چولده اوزاق ائلدن دوشن
سن کاروان زنگیمسن ای ویرانه ده دلدن دوشن
لای لای بالا - لای لای بالا
دردون بالا گیزلتمرم داغون فراموش ایتمرم
سنسیز اگر امکان اولا من کربلایه گیتمرم
لای لای بالا - لای لای بالا
گیتدون قوناق پیغمبره چاتدون وصال اکبره
گیت آیریلیق دردین دانیش باب و الحوائج اصغره
لای لای بالا - لای لای بالا
صبریم گولون دردون بالا پوزدی منی دردون بالا
غربتده ئولدون باغریمی سن قانه دوندردون بالا
لای لای بالا - لای لای بالا
سن ناز ایدر دون آفاقا باتدون نیه توز تپراقا
گیت بلکه تاپدون اصغری لای لای دی قانلی قونداقا
لای لای بالا - لای لای بالا
سن آغلیاندا آغلادیم دل داغلادون دل داغلادیم
جان اوسته سن اکبر دیدون آخر گوزون من باغلادیم
لای لای بالا - لای لای بالا
نه حال دا سان بیلّم بالا دردون چکوب ئولّم بالا
بوردا سنی تک قویمارام گیتسم گنه گلّم بالا
لای لای بالا - لای لای بالا
جوشی زبانحال حضرت رباب (ع)
ای طفل لب عطشانیم لای لای علی اصغر یات
قربان سنه بو حالیم لای لای علی اصغر یات
سن هر گیجه آغلارسان رویادن اویانّام من
سو تحصیل ایدم بلکه اخیامی دولانّام من
رخساریوه باخدوقجان اشکیمه بویانّام من
یوخدور سویا امکانیم لای لای علی اصغر یات2
سن تک بیلورسن اوغلوم اوچ گوندوی لب عطشانم
منده یانورام سن تک صبحه کیمی گریانم
نه صود تاپولور نه سو واللهـــی پریشانم
سینمیش پری طرلانیم لای لای علی اصغر یات2
اعزام ایلیوب سلطان نهر اوسته علمداری
جام الده گوروب گیتدی اول شیر سوسوزلاری
شصتیلن آچار قویماز باغلی قالا یوللاری
ای خرداجا جیرانیم لای لای علی اصغر یات2
رحم ایلموری دشمن بو چولده لبن خواره
قانه بویانوب سینم دیر ناقون ایدوب یاره
دوشلرده صودوم یوخدی بو درده ایدوم چاره
یوخ دردیوه درمانیم لای لای علی اصغر یات2
هر قیمته سو اولسا تحصیل ایدر او سقا
دریای سالار مشکین عباس نهنـگ آسا
سو حمل ایدر اخیامه همتله یل هیـــجا
سسلر گل خندانیم لای لای علی اصغر یات2
سو مشکین آلوب ویرّم سو تشنه اوشاقلاره
سیراب اولاسان سنده اینجیتمیه گهواره
سقا ئوزی ویرسون سو سرتا سر گلزاره
ساکت اولار افغانیم لای لای علی اصغر یات2
رنگون سارالوب گرّم سولموش گوله بنزورسن
نهر اوسته خزانه ورموش بیر سنبله بنزورسن
یا گولدن اوزاق دوشموش سن بلبله بنزورسن
ای بلبل نالانیم لای لای عل یاصغر یات2
آز سینه می دیرناخلا ای قلبیمون آرامی
سن تک سو دیَّن قیزلار عطشان گزور اخیامی
اطفالین الین داغلور اللرده کی سو جامی
یاندی دل سوزانیم لای لای عل یاصغر یات2
صبحه کیمی اخیمده بیدارم اویاق قاللام
بلکه اولاسان راحت غملی بشیگه ساللام
گوررم گینه یاتمورسان آغوش غمه آللام
ای غنچۀ ریحانیم لای لای عل یاصغر یات2
زبانحال زینب خاتون در وفات خانم رقیه دختر امام حسین (ع)
گل قارداش حسین گل بو امانت قیزون اولدی
قلبین غم اوخی ایتدی جراحت قیزون اولدی
یاندیردی منیم قلبیمی بو قلب شکسته
اولموشدی ایکی خردا الی سینه سی اوسته
گل صورتینه اشکی آخوب گوزبولاقیندان
گوز یاشلی چیخوب دور بالامون جان دوداقیندان
گل شامیده قارداش منه لطفون علن ایله
ویرانه مکانی گل و باغ و چمن ایله
اللرده ئولن دختریوی سن کفن ایله
عباسیمه دی اکبریلن تیز گله داده
قالدی بو شیرین دیلّی قیزین نعشی اراده
باخدوقجا منه قلبیمی محنتلن ازردی
قوینوندا الی مسجد ویرانه گزردی
هر محقی سوزی درک ایلیوب فوری سزردی
اکبر آدی دیلده دونوب اطرافه باخاردی
گل صورتینه حسرتیلن اشکی آخاردی
صبر ایتدی بالام هر غم و محنتلره دوزدی
هر شام و سحر اشکینی گل صورته دوزدی
بخت اولدوزومیدی بو بالام بو گیجه سوندی
بیر گوز وروم آندا فلک محنته باتدی
یومدی گوزونی ذولفیمی بوغمده آغارتدی
گل شامه حسین ئولدی آجیندان بالا دختر
غسلینی ویروب بوکدوم اونا بیر قارا معجر
روحی بدنیندن چیخانجان دیدی اکبر
جان ویردی بالام حسرتیلن گوزلری یولدا
آچمیوبلا هله بند و رسن باغلیدی قولدا
درد و غمین دفترینه هر یازان آغلار
اشکی قوروماز صبحیله ظهر و اذان آغلار
بو خردا قیزون خردا مزارین قازان آغلار
قبرین بالامون بوردا اوزوم قازدیم حسینیم
مظلومیّتین باش داشنا یازدیم حسینیم
نوحه حضرت ابوالفضل(ع)
سقای کربلانون چون قوللری کسیلــدی
دوشدی علم الیندن آتدان یره ییخیلدی
تیغ و سنان یاراسی دگمیشـــدی بیر بیر اوستــه
قان چوخ گیدوبدور جسمی اولموشدی زار و خسته
طاقت گتور میوبدور عبّاس دای آت اوسته
ایتدی رکابی خالی خاک بلایه دوشدی
یوز دوتدی خیمه گاهه سسلندی یا اخا گل
گوز یولده انتظارم باشیم دیز اوستونه آل
قویما منی بو وقته قول بوینوما گلوب سال
حسرتلریم برادر صد حیف اورکده قالدی
باشیم اولوبدور منشق دوشمیش قولیم برادر
جسمیم باتوبدور قانه یاتمیش علم برادر
یوخ قدرتیم دوروم من پیشوازه گلوم برادر
دورمز باشیم بدنده دیدار حشره قالدی
بو آخر نفسده بیرده سنی گوریدوم
یا قوللاریم اولیدی بیرده قوجاقلاشیدوم
جان تاپشوراندا قارداش قربان سنه اولایدوم
چوخ شاکرم که جانیم قربان یولوندا اولدی
چون خیمه ده شه دین قارداش سسون ایشیتدی
بی اختیار او ساعت یوز قتلگاهه قویـدی
گلدی حسین سراغه امّا نه نوع گلــدی
عباس وای صداسی شورش جهانه سالدی
گاهی صاقه دونردی گاهی صولا اوسرور
عباس سسلنوردی سس ویر گلن بـرادر
قالدون نه یرده قارداش جیران قالوب بو مضطر
جانیمده قالمادی جان گور طاقتیم کسیلــدی
بیلمم نه یرده قالدون سسلن سسون فداسـی
بیرده چاغور اولوم من قارداش آدون فداسی
هاردا سنی تاپوم من دی گوزلـــرون فداسی
قارداشی دشمن آخر قارداشدان آیری سالدی
میدان رزم گاهی هر سمت ایـــدردی جولان
ناگه نه گوردی دوشموش عباسه قان غلــطان
از بس یرا ووروبلار جسمی دولوبدی پیــــکان
جانیمده قالمــادی جان صبریـم تمام اولـدی